Laouen eo ar gevredigezh Diwan ha kuzul skoazell skol Diwan Bro Savenneg, kemenn deoc'h e vo digoret ur skol Diwan e Savenneg, adal miz Gwengolo 2009.

Gant Skol Diwan Savenneg e vo klokaet ar c'hinnig kelenn divyezhek dre soubidigezh e Liger-Atlantel. Goude Naoned, Sant-Nazer, Gwenrann ha Sant-Ervlan (evit ar skolaj) e vo tu d'ar vugale deskiñ e brezhoneg e Savenneg.

Ar bloaz-mañ e vo skoliataet bugale skol-vamm (adalek daou vloaz).

Dek bugel a zo bet rak-enskrivet dija. Degemeret e vezint er skol a vo e-kichen an ti-gar, 23 hent Sant-Stefan-Brengoloù.

Ma 'z oc'h dedennet gant Skol Diwan Savenneg e c'hellit enskrivañ ho pugel c'hoazh, o vont e darempred gant Anne-Claire Quiviger : 06 03 76 07 95.

Skolioù Diwan a zo laik, digoust ha digor d'an holl.

A-drugarez d'an hentenn bedagogel dre soubidigezh, e teu a-benn ar vugale da vezañ divyezhek da vat. Desket e vez brezhoneg ganto dre un doare naturel hag e vez tizhet ganto ul live a varregezhioù heñvel e galleg hag e brezhoneg. Ar soubidigezh a ra berzh e skolioù Diwan abaoe ouzhpenn tregont vloaz. Komz meur a yezh a zo ur binvidigezh hag ur chañs ouzhpenn evit ar vugale. Gant an divyezhegezh abred eo aesoc'h deskiñ yezhoù all, ar saozneg da skouer.

A-hend-all, evel warlene e vo kinniget kentelioù brezhoneg evit an dud-deuet gant Kuzul skoazell skol Diwan Bro Savenneg.

• Apéro-dédicace à Quimper le 11 avril par Editions Pélagie le 07/04/2025
• Décès de Soïg Sibéril : la musique bretonne perd un virtuose de la guitare par Philippe Argouarch et chatGPT le 06/04/2025
• Invitation à la signature débat autour de l'histoire de la centralisation française par Paris Breton le 03/04/2025
• Dépêche ABP : Le Festival Interceltique de Lorient renforce la présence de la langue bretonne dans son application mobile par Philippe Argouarch et chatGPT le 03/04/2025
• Rendez-vous de Max avec Gilles Fortier par Spered Gouez / L'esprit sauvage le 02/04/2025
• Et si les milliardaires bretons soutenaient Diwan ? par La rédaction le 01/04/2025
• S.A.S. le Prince Albert II de Monaco en Bretagne : la célébration d’un héritage tricentenaire par LGM éditions le 01/04/2025
• Achu eo miz ar brezhoneg… Mes ober gant ar yezh, n'eo ket ! par BREZHOWEB le 01/04/2025
• Comme les champignons, certaines micro-algues sont venimeuses par Philippe Argouarch et chatGPT le 30/03/2025
• Le Chant des îles à l'honneur du Festival à Ouessant par Culture, arts et lettres des îles le 29/03/2025