S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Berr-ber… e pep keñver / Bec'h d'ar filmoù graet ba' gêr
Kleweled, video, internet… Penaos 'ma kont ?
An dispac'h niverel loc'het ur pemzek bloaz bennak 'zo n'oa digoret hentoù nevez d'ar sevel filmoù. En deiz a hiriv, gant ur c'hamera marc'hatmat hag ur c'hompoder e c'hell forzh piv filmañ, frammañ ha skignañ e labour evit nebeut-tre a zispignoù.
Un taol kaer neuze evit ar yezhoù bihan, berr an arc'hant gante, peadra da lakaat yezh ha tud ur vro war wel, da vroudañ ar grouidigezh, ar « filmoù graet ba'r gêr », dreist-holl en amzerioù kriz a vremañ ?
Ma. An traoù zo aet war-raok, en un doare. Traoù a c'heller gwelet bremañ, war ar rouedad peurgetket, a ne vefe ket anv deusoute 10 vloaz 'zo. Daoust ha trawalc'h eo, daoust hag un dazont lufr a zo evit ar c'hleweled e brezhoneg, evel ma soñj da lod ? Douetus.
Un nebeut mizioù zo oa bet lañset gant un nebeut tud mennozh ur festival filmoù « no-budget » (pe « low-budget »), unan hag a rofe tro d'ar grouerien filmoù displegañ o oberennoù, pe vefent faltazi, diellfilmoù, animasion, poltredoù tud ha me 'oar me… Kregiñ e-barzh ha klask sevel un dra « propik », hep soñjal ober ur pennober anezhi. Bezañ gwelet, eskemm gant tud all, kaout ul lañs nevez…
Pelec'h, pegoulz, ha penaos kemer perzh ?
Mont a ra an traoù war-raok : 'benn miz Mae 2010 vo dalc'het Gouel ar Brezhoneg ba' Kawan (21-22-23). Da geñver ar gouel-se vo aozet ar « Festival Berr-Berr… e pep keñver », 'lec'h ma vo diskouezet un dibab filmoù graet gant hiniennoù pe gevredigezhoù. Filmoù da vezañ savet pe filmoù a zo anezhe dija (arabat e vefent koshoc'h eget bloaz da zeiz ar Gouel).
Reolenn ar c'hoari : filmoù — e brezhoneg — dindan 7 munut, forzh peseurt doare e vefent (gant ma ne vefe ket danvez faskour, gwenngasour h.a. e-barzh, evel-just), da vezañ kaset a-raok ar 26 a viz Ebrel 2010, e stumm MP4. (Ul lec'hienn a-ratozh vo krouet dizale, keloù vo kaset deoc'h. Skrivit d'ar mail dindan evit titouroù.)
Ur rakdibab vo graet gant ur juri a-raok ar gouel. Ar filmoù vo diskouezet meur a wech e-pad an tri devezh-se. Priziet e vint gant ar ar publik (prizioù roet da vezañ termenet). War-lerc'h e vo kinniget ar filmoù d'ar festivalioù (Kann al Loar, Douarnenez, Roazhon, Taol-Kurun…) koulz hag evit abadennoù skignañ lec'hel e-kerzh ar goañv. Tennet vo un DVD « best-of », hag a vo kinniget er stalioù hag er skolioù. Hervez ar goulenn e c'hellfe ar filmoù bezañ istitlet.
Mat e vefe d'an dud dedennet lakaat o anv an abretañ ar gwellañ, en ur gas deomp un doare « synopsis » berr-tre gant o fostel/chomlec'h da heul : mailto: krisbraz [at] free.fr, pgz 02 98 21 30 59.
Un tamm skoazell ?
Soñjet hon eus e vefe mat da dud 'zo kaout un tamm stummadur diazez a-benn sikour anezhe da sevel o filmoù : petra ober / nompas ober gant ur c'hamera, sevel un doare senario, kas ur pennad-kaoz en-dro, frammañ war ur meiziant boutin. Traoù eeun-kenañ, kwa. Kinnig a reomp sevel ur staj un devezh e miz C'hewrer 2010. Mat e vefe deoc'h kas o c'hoantoù/ezhommoù deomp. Titouroù resisoc'h a vo kaset deoc'h diwezhatoc'h.
Setu. N'eus ken met kregiñ 'barzh neuze. Emaomp o c'hortoz ho kinnigoù evit ma rafe berzh ar Festival Berr-Berr. Skignit an destennig-mañ tro-dro. Ken ar c'hentañ. Berr-berr
Sellit ouzh ar video amañ stag : (voir le site)
Vidéos
Newsletters
Flux RSS - français
ABP sur Facebook
ABP sur X
Chaîne Youtube ABP