S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Ur gemenadenn e brezhoneg eus Ti-Ker Gwened:
Degemer un arzour nevez e Gwened
Gant ar Mirerezh e vo roet degemer d'ar sonourez Claude Nadeau
Goude an dañs (Gilschamber), ar c'hoariva (Vincent Colin), al luc'hskeudennerezh (Hélène David), setu daet tro ar sonerezh. Emañ kêr Gwened o vont da zegemer an arzourez ha sonourez Claude Nadeau er Mirerezh.
Lakaet e vo ar c'henlabourioù-se e pleustr da-geñver klasoù mestr, stajoù digor da skolidi ar mirerezh ha da skofidi all, sonadegoù, dalc'hadoù e framm an Akademiezh sonerezh, ar festival jazz...
An degemer-se a vo roet e 2008, ur blezad puilh àr dachenn ar c'hrouiñ er Mirerezh : er blez-mañ e vo digoret un 3e kelc'hiad dañs-jazz, un dra nevez e Breizh, hag ur gevrenn Sonerezh hengounel.
An oberoù kaset da benn e-pad an degemer-se a vo kensavet
- asambl gant diskiblezhioù nevez ar mirerezh hag ar c'hlasoù laz
- gant an aveadurioù sevenadurel arall : Mirdi, C'hoariva Anna Vreizh (kenlabour gant komedianed...)
- gant kevredigezhioù ar vro
- gant ar skolidi : dalc'hadoù pedagogel
Àr ar stern, ur raktres kenlabourioù gant kreizenn sonerezh sakr Santez-Anna-Wened.
Àr prantad 2008-2010 e talvezo an demeger-se.
Caude Nadeau :
« En delz a hiziv, ma vez an dud o klask o gwaziennoù, e vez diskuliet teñzoroù dic'hortoz gant ar sonerezh kozh. Plidiñ a ran gant an holl zoareoù sonerezh-se a-benn klask ar wirionez da vat, dre an Istor hag an Hengoun. »
Sonourez klavisim (priz kentañ ar mirerezh), sonourez ograou ha penn laz-kaniñ (renet he deus laz-kaniñ Radio France Outremer) eo Claude Nadeau. Ganet eo bet en un tiegezh sonerion a iliz e Kebek.
Un arbennigourez àr ar sonerezh kozh eo Claude Nadeau, mes dedennet eo ivez gant ar seurtoù sonerezh hengounel, gant ar c'han gregorian, gant an dañs hag ar c'hrouiñ a vremañ.
E miz Genver 2007 he deus graet he c'harnmedoù kentañ evel soloourez en Opera Broadel Pariz.
E Gwened e oa bet é soniñ e Selaouva ar Garmez, e miz C'hwevrer 2007, da-geñver ar Sezon sonerezh. E-kerzh ar sonadeg-se he doa sonet oberennoù ag ur sonaozour barok a Wened.
Prezidantez komite skoazell Diwan Pariz eo Claude Nadeau ivez.
Vidéos
Newsletters
Flux RSS - français
ABP sur Facebook
ABP sur X
Chaîne Youtube ABP