ABP

- Communiqué de presse -

17 lec’h zo bet digoret er c’hentañ derez hag 8 en eil derez

Distro-skol ar c'helenn divyezhek 2019

Par Visant Roue pour Office Public de la Langue Bretonne / Ofis Publik ar Brezhoneg. le 2/09/19 12:40

Evit ar wech kentañ en istor ar c’helenn divyezhek ez eus bet digoret 17 lec’h nevez er c’hentañ derez, 16 anezho er publik. Biskoazh ne oa bet kement a zigoradurioù (e 2017 e oa bet 10 digoradur, ar sifr uhelañ e oa betek-henn). Frouezh al labour bet boulc’het war-zu an ensavadurelaat eo. Meur a dra zo deuet da greñvaat an tu-se er bloavezhioù tremenet : krouet eo bet an OPAB e 2010, al lezenn Adreizhadur ar skolioù e 2013 he deus lakaet “ar c’helenn divyezhek da vezañ an tu-kreñv warnañ” (mellad L 312-10 Kod an Deskadurezh) hag an Emglev Stad-Rannvro 2015-2020 a zo ganet diwarnañ ur steuñv diorren daouvloaziek da brogrammiñ an digoradurioù er publik. Web gwelet en he brasañ

En Akademiezh Roazhon ez eus 16 lec’h-kelenn nevez er 1añ derez. 15 skol bublik ouzhpenn o deus un hentad divyezhek : 5 er Mor-Bihan (an Alre, un eil skol en Henbont, Kistreberzh, Lanvodan, Lokmikaelig), 4 e Penn-ar-Bed (un eil skol e Kemper, Pleiben, KPE Plouziri-ar Merzher, Sant-Divi), 3 en Il-ha-Gwilen (an Heizeg, Dinarzh, Pleveleg) ha 3 en Aodoù-an-Arvor (Lambal-Arvor, un eil skol e Lannuon, Pledran). 1 skol gatolik ouzhpenn zo un hentad divyezhek ganti ivez, en Henbont (un eil lec’h).

En Akademiezh Naoned ez eus bet digoret un hentad er publik ivez, e Blaen.

En eil derez ez eus bet digoret hentadoù divyezhek e 7 skolaj, 4 anezho zo publik (Baod, Henbont, Plouneour-Menez, Rostrenenn), ha 3 zo er rouedad katolik (Kemper, Muzilheg, Pondi). 1 lise katolik ouzhpenn zo gant un hentad divyezhek, hini Gwengamp.

E deroù miz Here e tlefe bezañ gouezet an niver a skolidi divyezhek.

Voir aussi :

Michael D Higgins, président de la République d'Irlande, reçoit le Collier de l'Hermine à Dublin par Philippe Argouarch le 13/11/2024
Prix du livre insulaire 2025 par Culture, arts et lettres des îles le 12/11/2024
Forum de l’Arbre, de la Forêt et du Bois par ROND VERT le 13/11/2024
Ar Redadeg : remise des chèques pour le soutien de la langue bretonne par ChatGPT le 12/11/2024
Christian Troadec : J'étais un élément turbulent car je demandais un vrai plan de sauvegarde de la langue bretonne par Philippe Argouarch le 12/11/2024
Exposition des artistes plasticiens OSTRE'ART 2024 par I.R. le 11/11/2024
Inauguration à Carhaix : hommage émouvant à la poétesse Anjela Duval et à Sébastian ar Balp, figure des Bonnets Rouges par Philippe Argouarch le 09/11/2024
L’Union Démocratique Bretonne appelle les communes bretonnes à agir contre la crise du logement avec la nouvelle loi sur les meublés de tourisme par ChatGPT le 09/11/2024

Ofis Publik ar Brezhoneg zo un diazezadur publik bet krouet gant ar Stad, Kuzul-rannvro Breizh, Kuzul-rannvro Broioù al Liger ha kuzulioù-departamant al Liger-Atlantel, ar Mor-Bihan, an Il-ha-Gwilen, Aodoù-an-Arvor ha Penn-ar-Bed.

[ Gwelout pennadoù all Office Public de la Langue Bretonne / Ofis Publik ar Brezhoneg. ]

Vos 1 commentaires

hervé Le Lundi 16 septembre 2019 20:40

IL est clair que la partition favorise le 35 par rapport au 44. la carte est éloquente
alors que le pays nantais a eu une parcelle de bretagne bretonnante à l'époque contemporaine;
ce n'est pas le cas de l'ille et vilaine

(0)

Commenter :

Put your name here

ABP

Agir

Nous suivre