ABP

- Communiqué de presse -

Skol Veur Kreiztez Breizh (SKK) : lizher digor Ai'ta! d'ar Prezidant

D’an 19 a viz Mezheven hon doa skrivet da Brezidant Skol-veur Kreistez Breizh evit goulenn ur panellerezh e brezhoneg e kevrenn ar gwir e kampus Tohanig e Gwened nevez savet

Par Collectif pour Ai'ta ! Bro Gwened le 23/06/13 0:33

D'an 19 a viz Mezheven hon doa skrivet da Brezidant Skol-veur Kreistez Breizh evit goulenn ur panellerezh e brezhoneg e kevrenn ar gwir e kampus Tohanig e Gwened nevez savet ha ma vo kemeret e kont plas ar brezhoneg e monet en dro ar skol-veur.

Aotrou Prezidant,

El ma ouiet marse emañ Ai'ta ! ur strollad savet a-benn difenn ar brezhoneg. Ai'ta ! a zo e bal dezhañ stourm en un doare difeulz a-benn broudiñ ar brezhoneg er vuhez foran.

Klevet hon eus komz dre ar mediaoù e oa é paouez en em staliiñ kevrenn ar gwir e Gwened er savadur nevez met ne oa ket staliet c'hoazh ar panellerezh.Seblant deomp e vehe talvoudus lakaat àr-wel ar brezhoneg er raktres panellerezh da zonet en un doare kemparek.Emañ é kreskiñ ar c'helenn divyezhek hag ul lodenn ag ho studierion a zo brezhonegerion yaouank.

Oc'hpenn emañ feur a skolidi en hentennoù divyezhek e Kumuniezh tolpad kêrioù Gwened e-touez ar re uhelañ e Breizh.Diorret eo bet ivez ar panelloù divyezhek en dachenn foran ha kavet e vez bremañ panelloù hent divyezhek dirak kampus Tohanig.

Setu perak e vehe ur gwir talvoudegezh get ur danvez raktres panellerezh divyezhek e kreiz skol-veur Gwened.Strivoù a-bouez o deus kaset da benn ivez strollegezhioù tiriadel a-benn broudiñ ar brezhoneg er vuhez foran. Poellek e vehe seurt panellerezh divyezhek en un endro ma kaver muioc'h mui brezhoneg.

Sinet e oa bet un nebeut bleziadoù zo ar garta « Ya d'ar brezhoneg » kinniget get ofis publik ar brezhoneg get skol-veur Roazhon 2. Kaset he deus da benn un toullad mat a oberoù evit ar brezhoneg e monet-en-dro ar skol-veur. Kavet e vez ivez e Skol-veur Breizh-Izel (SBI) panelloù divyezhek a-barzh he savadurioù.Perak ne vehe ket moaien da brederiiñ àr seurt ur raktres panellerezh e Gwened a c'hellehe bout staliet e kevrenn ar gwir e kampus Tohanig hag àrc'hoazh en Oriant pe e Pondi.

C'hoant hon eus oc'hpenniñ emañ pal hor strollad ma vo kinniget evit pep den yaouank an tu da zeskiñ brezhoneg en un doare nann redius. Else e vehemp kontant gouiet an doareoù da heuliiñ kentelioù brezhoneg er Skol-veur Kreistez Breizh : danvez dibab, unvez kelenn diret, yezh bev..

Laouen tre e vefemp en em welet genoc'h a-benn eskemm diàr ar sujedoù-mañ.

Joa deoc'h

Ar strollad Ai'ta! Bro Gwened

Voir aussi :

Mona Braz en conférence au Ti ar vro Bro Gwened le 22 mars par Maëlig Tredan le 13/03/2024
50 vle o kanal : bourrus e oa deiz-ha-bloaz an Trouzerion ! par Kerne Multimedia le 16/10/2023
Livr'à Vannes / Levr'e Gwened - C'est ce week-end, du 10 au 12 juin, sous le soleil exactement ! par Eric Léost le 10/06/2022
Erruet ar Redadeg e Gwened gant 5000 a dud par Kerne Multimedia le 29/05/2022
Kendiviz "Lazhkenelioù, un tabou e Frañs" d'an 19 a viz Meurzh e Gwened par Kevre Breizh le 08/03/2022
2000 a dud ba Gwened evit ar 27vet manifestadeg evit ar frankiz ha gwirioù mabden par Kerne Multimédia le 08/01/2022
Mizvezh ar brezhoneg e Gwened par Ti ar Vro Bro Gwened le 09/03/2021
Bernard Rio en dédicace dimanche 13/12 à la Librairie Lenn ha Dilenn (Vannes / Gwened) par Librairie Lenn ha Dilenn le 12/12/2020

[ Gwelout pennadoù all Ai\'ta ! Bro Gwened]

Vos 0 commentaires

Commenter :

Put your name here

ABP

Agir

Nous suivre