E Kemper, disadorn, e oa bodet Maina, Armel, tad Carl ha kelenner tri skolajiad o doa savet holl un danevell dibabet gant ar juri evit Priz ar Vugale a zeu.

A wech kentañ eo gwelout kement a dud yaouank o kinnig skridoù, mennozhioù e-leizh ganto. A-drugarez da Vai-Ewen, Goulc'han Kervella, Pierre-Emmanuel Marais, Mich Beyer a zo deuet da welout anezho ha da sikour ar re a felle dezho mont pelloc'h dre ginnig ur skrid peurechuet. A-drugarez ivez d'ar "reizherez", Corinne ar Mero he deus sikouret kalz anezho.

Ar pevar istor ?

- "Sorserez eo Mamm-gozh" ma konter istor ur paotrig, o vont da vakansiñ da di e vamm-gozh. Met n'eo ket un ti evel ar re all : ur vran ha kazh an ti a vez o tabutal ingal ... ha troioù-hud a reont ivez ! Skrivet gant Maina Mallejac, sot gant Harry Potter hag istorioù strobinellerien.

- "Ar sarpant bihan": skrivet gant Armel ar Sec'h, a blij dezhi mojennoù Breizh ha Mor Breizh. Setu un aerouant o sellout ouzh tud o pourmen war an aod.

- "Den bleiz", skrivet gant un den yaouank, ma kont istor ur paotr sot gant ar c'hoarioù video. Met un deiz e teu un den bleiz da strobinellañ e familh a-bezh. Penaos mont maez eus ar wallhuñvre-se ?

- "Gerard, an den mat", skrivet gant tri skolajiad eus ar Releg Kerhuon : diaes eo d'an harozez bevañ gant mignon he mamm, sotonioù, troioù kamm a vo c'hoariet dezhañ ganti. Met tamm-ha-tamm e seblant Gerard bezañ un den mat ...

Evit gouzout hiroc'h : 02 98 71 74 94 / 06 79 14 96 87

Kaset e vo an holl ditouroù d'an holl skolaerien e fin miz Eost.