Priz Imram 2011, barzhez ha skrivagnerez a stourm evit ur brezhoneg bev

ABP- Pet levr 'peus skrivet evit PAV ha PAY ? Peseurt hini 'n deus roet dit ar muiañ a blijadur ? Ar muiañ a labour ?

Mai-Ewen - 5 evit PAY ha 3 evit evit PAV (ha daou asambles gant skrivagnerien all). "Tri fenn melegan" ha "Kevrin an Enezenn" : plijadur met poan ivez, rak tost a-walc'h ouzh ar pezh bevet ganin e-pad pennadoù ma buhez. An hini startañ : an hini kentañ (Hanvezhioù), rak n'ouzen ket ar pezh a c'hallfe plijout d'ar grennarded.

ABP- Ha tro'peus bet da vont e darempred gant ar re yaouank ? Er skol ? Er skolaj ?

Mai Ewen - Ya, er skolioù evit displegañ petra eo un haiku ha komz deus ma levrioù PAV, er skolaj Lann-er-Ster, hag er Skolaj Kemper....hag e koad Koadloc'h zoken !

ABP- Peseurt raktresoù zo war ar stern ganeoc'h ?

Mai-Ewen- Ul levrig hag a vo kinniget da PAV 2013 (ma vo kendalc'het gant ar prizioù-se !) A hend-all e strivan da lakaat urzh em "oberennoù", regiñ evit bout devet traoù kavet didalvoud ganin, ha derc'hel traouigoù hag e c'hellfe bout gwellaet ?

ABP- Ha lennet' peus levrioù all PAV ha PAY ? Peseurt re 'peus kavet ar re wellañ ?

Mai Ewen - Evel-just ! Ha chom ' ra 5 pe 6 da lenn c'hoazh (dreist-holl ar re a vo kinniget evit Saloñs Karaez.)

Se, ne lârin ket ! memes ma zo kalz dioutu plijus ken-ken !

ABP- Deizh ha bloaz ar priz : petra 'pije c'hoant da lavarout d'an aozerien ?

Mai-Ewen - Skrivit, skrivit, skrivit ma blij deoc'h skrivañ - ha skrivañ traoù hag a blij deoc'h-c'hwi ! Ha gant un tammig chañs e vo kavet ganeoc'h un embanner, hag ul lod a lennerien, ul lodig zoken, hag a garo ar pezh ho peus skrivet !