400 bugel o kemer perzh, 25 skol, 294 o votiñ, ha 93 anezho evit "Youenn, Naig hag an aerouant"
Plijet-tre e oant bet ar vugale hag ar skolaerien gant levrigoù Priz ar Vugale ar bloaz-mañ. Studiet o doa bugale ar Faou pep levr, gouest d'ober un diverradenn resis eus pep hini anezho. Hag an istor aerouant, an ui kuzhet e kambr ar breur hag ar c'hoar, hep gouzout d'ar gerent... Se oa evito ar pep plijusañ : lakaat ar gerent da grediñ e oant gouest da zebriñ kig sal kement se, ha koulskoude e oa evit bouetañ an aerouant, kalz aesoc'h eget tapout ul logodenn pe amprevaned e oa...
An eil, Priñsez Mariana, a oa bet dibabet gant 83 bugel. Gant c'hoarzhadegoù o doa kontet ar vugale pegen plijet e oant gant ar briñsez c'hoant ganti dimeziñ gant he mignonez gwellañ, war lerc'h gant keginer ar c'hastell, ha benn ar fin, gant pevar friñs, ur soner, ur marc'heger, ... Met ne oa ket a fin... Ha setu-int oc'h ijin doareoù all da ginnig d'ar skrivagnerez : pe Marianna a ya da zimeziñ gant ar pevar faotr, ar vignonez, hag ar c'heginer. Pe, goude ur bloavezh, ne chom er c'hastell unan anezho hepkent : ha ken amourus eo ar priñs en doa desket keginañ, seniñ, ... evit dimeziñ ganti ha bout barrek e pep keñver !
An Tad Nedeleg, skrivet gant Kristian ar Bras a oa bet dibabet gant 72 anezho. Plijout a ra dezho istorioù Nedeleg : a-bouez eo krediñ ennañ, mod all, marteze e vefe fachet ha ne zegasfe ket mui netra dezho ?
Evit Haruto, 44 mouezh. Hag un haiku fentus : "ur vran ne vramm ket, Akina !"
Ha laouen an holl da sellout ouzh al levrioù all ha da gaout levrioù nevez evit ar skol, evit ar CM2 ha c'hoant da genderc'hel da lenn.
Brav an abadenn, brav eo gwelout lennerien yaouank a blij dezho istorioù fentus ha fromus !
- Priz Nobel al Lennegezh ha sonerezh Rap 'ba deiziataer ar miz ! par BREZHOWEB le 01/02/2024
- Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023
- Priz ar Vugale : div enrolladenn dija, hag ur c'haier poelladennoù par Kerne Multimedia le 13/10/2023
- Gwernioù kuzhet, ul levr brav da brofañ ! par Kerne Multimedia le 30/10/2022
- Penn da benn : deuit niverus da skoazell ar stal ! par Kerne Multimedia le 04/09/2022
- 10 levr enrollet gant Keit Vimp Bev ha fea par Tvbro kemperle le 16/02/2022
- Me garfe mont : un doare dic'hortoz da selaou Grall par Kerne Multimédia le 30/12/2021
- Villon et Grall expliqués aux lycéens par Kerne Multimédia le 28/11/2021
- War bord an oabl : un abadenn e Kemperle leun a varzhoniezh par Kerne Multimédia le 20/11/2021
- Grall : les hommages et les débats commencent en Pays de d'Aven par Kerne Multimédia le 14/11/2021