D'an 3 a viz Genver e oa un ugent a dud e ti Bridel o kanañ tonioù gant "ugent vloaz", pe "yaouank" e-barzh ar paozioù. Met abalamour da betra ?
Tro dro Brigitte Kloareg, merc'hed ha paotred o kanañ, o tiskanañ. Kanaouennoù e brezhoneg hag e galleg. Ur bern kanaouennoù a zo e brezhoneg gant ar ger "yaouank" : "o pegen brav eo bout yaouank ! ", an heskennour kanet gant Gi Penseg, sonennoù bro Gallo zo bet ivez : "ça lui rappellerait son jeune temps, du temps qu'elle était fille"... An amzer a dro, ha tout an dud da ganañ a vouez penn : "les Retrouvailles " aozet gant Graeme Allwright. Un tregont bennag a ganaouennoù a zo bet kanet e Skaer, gant plijadur ha fent. Ur plac'h yaouank a oa en he aes o kinnig : "liberta, an dervenn, peskig arc'hant ..." hag e bro Skaer kanaouennoù Mikael Kerne ha Jisket ("bugel an tan") ha Youenn Gwernig, an daou eus Skaer, gant "E kreiz an noz", eveljust.
Da bep hini da glask bremañ er gêr, kanaouennoù all evit bezañ gouest da ganañ anezho e 250vet abadenn Me a gan a vo 'ba' Bei. Hag un dra all c'hoazh (n'eo ket un abadenn evit konsumerien, me lâr deoc'h), ret e vo da bep perzhiad(ez) kas ur foto gantañ ugent vloaz 'zo (pa oa kroget Taol Kurun), ur foto a-vremañ, hag ur foto pa oa ugent vloaz ... Pffff ! pebezh labour !
Neuze, evit prientiñ an nozvezh kanañ a vo d'ar yaou 16 a viz Genver gant Brigitte Kloareg ba sal ar gouelioù Bei, e chom ur prantad evit pleustriñ : tavarn Babette, ba Kloar, d'al lun 13/1 da 7 eur noz, plasenn an Iliz, Kloar Karnoed.
Evit an off, bez vo ivez :
- Marie Chiff'mine d'ar merc'her 15/1 (oa ket war ar skritell, ha kontet vo sur un dra bennag ganti)
- Lleuwen Stefan, d'ar gwener 24/1, deuet da skoazell ar strollad Adnoz e pub tad kozh Banaleg da 9e noz
Evit sell ouzh roll abadennoù Taol Kurun :
Evit sell ouzh an holl videoioù :
- Etre Gwidel ha Plañvour : Kerroc'h, porzh un eontr kozh par Kerne Multimedia le 21/01/2023
- Kan ar bobl 2018 : un bon cru et la foule ! par Kerne Multimédia le 21/01/2018
- Evom, evomp, al louzoù Makron hag e pareo pep hini ! par Kerne Multimédia le 16/01/2018
- Un coup de jeune sur Taol Kurun 2018 ! par Kerne Multimédia le 25/12/2017
- Nedeleg laouen gant al Leon B ! par Kerne Multimédia le 24/12/2017
- Breizh, douar ar festivalioù ? par Kerne Multimédia le 20/11/2017
- Allah's kanañ, rap ha rock : hentoù ar vrezhonegerien yaouank par Kerne Multimédia le 13/11/2017
- Skoazell Katalonia : kan fromus gant tud Karaez ! par Kerne Multimédia le 29/10/2017
- La Redadeg : le projet fédérateur d'une Bretagne enfin unie ? par Kerne Multimédia le 02/10/2017
- Hag aet eo ar maout gant ar Salsardin ! par Kerne Multimédia le 02/10/2017