Pegen diaes eo kavout e Breizh eurvezhioù radio ha skinwel e brezhoneg gant ar mediaoù ofisiel ! Treut eo ar peuriñ pa geñverier gant bro Gorsika zoken, hag a zo e Bro C’hall memestra... « Bruzun, bruzun, bruzun ! » a huch Bernez Tangi o keñveriañ an eurvezhioù skignañ yezhoù ar vro e broioù all en Europa, gant gwir abeg !

Eurvezhioù skinwel bep sizhun

Breizh : un eurvezh hanter

Skos : 28 eurvezh

Iwerzhon 35 eurvezh

Kembre : 38 eurvezh

Kembre : 35 eurvezh

Radiobreizh.net, Ya-ouank...

Budjet ur radio n’eo ket hini ur skinwel : setu perak eo efedus ar rouedad pevar radio (RKB, RBG, AFM ha Radio Kerne) evit skignañ ur bern abadennoù « fresk » aes da bodkastiñ war un alc’houez USB, peadra da selaou war lec’hienn ar rouedad. Lec’hiennoù evel hini ar gazetenn Ya ! , pe al lec’hienn evit ar re yaouank Ya.ouank a c’hell ivez skignañ filmoù graet gant ar re yaouank, tresadennoù, dasparzhet etrezo.

Gwir gaou : ar re yaouank ne sellont ket ouzh al lec’hiennoù e brezhoneg ?

Talkshow a bad div eurvezh war Internet, serienn Ken Tuch (200 sketch), pe Breizh Kiss : pa vez goulennet gant ar re yaouank (goulennaoueg Internet, liseidi Diwan aterset), e verzher ne vez ket sellet ouzh seurt traoù ganto. War Facebook e vez implijet kalzik a c’halleg gante, ha koulskoude eo un doare dibar da eskemm e brezhoneg bemdez, da lenn, da eskemm … Un dachenn ledan da studiañ c’hoazh, ‘giz vez graet e Bro Euskadi pe e Katalonia. Gant "Fin ar bed" a zo bet skignet war chadennoù lec'hl ha Frañs 3 e oa deuet brav an traoù, o tizhout tud a sell ouzh an tv hag ar re a ya war Internet ha ne sellont ket mui ouzh ar skinwel. Stummoù nevez zo deuet er maez evel "C'hwi a gano", hag al liamm gant Internet hag ar brezhoneg a zo pouezus. Met penaos arc'hantaouiñ raktresoù skignet war ar gwagennoù "ofisiel" ha war ar re all . Yalc'hadoù a vez roet, anat deoc'h, d'ar re a zo boaz da sevel teuliadoù pounner evit ar re a roio ur skoazell bennak. Setu perak emañ un den hiziv, e Brezhoweb, Florent ec'h anv, o sikour ar re a zo gant raktresoù, hag o deus diskouezet war an net talvoudegezh o labour. Muioc'h-mui a filmoù interessant a vez gwelet war an net (fent, drougfent, teulfilmoù), un doare efedusoc'h da labourat kenetrezo ?

"Poent bras d’ar vrezhonegerien kompren n’hallo ket bevañ ar brezhoneg ma n’hallo ket aloubiñ, da vat, bed ar c’hleweled (ha hini ar rouedad ivez). Trist eo, ’gav din, gwelet n’eus ket bet komprenet e vev ar vrezhonegerienyaouank, koulz hag ar re all, e bed ar skeudennoù penn-da-benn."

Corinne ar Mero

• Kris Menn, un den yaouank a 40 vloaz ! par Kerne Multimédia le 23/08/2021
• 55 mn e Liseoù Diwan e klas Termen : betek pelec'h e yelo ar Stad ? par Kerne Multimédia le 22/03/2021
• Et les Bretons créèrent DIWAN par Yoran Embanner le 17/10/2018
• DIWAN 40 vloaz par le 18/06/2018
• Diwan hag ar brezhoneg: 40 vloaz a zeskadurezh poblek par Kuzul Skoazell Diwan Gwengamp le 09/02/2018
• Stummadur ar skolaerien : hir an hent, skuizh an den ? par Kerne Multimédia le 15/01/2018
• Tro dro da Ziwan : an Oaled, DABU ha DARE, gouren, melldroad, Ai'ta, Gast... par Kerne Multimédia le 01/01/2018
• Diwan : un doare nevez da aozañ ar bloavezh evit Marjan ha Yann v.brezhoneger.ez ? par Kerne Multimédia le 18/12/2017
• Breizh, douar ar festivalioù ? par Kerne Multimédia le 20/11/2017
• Allah's kanañ, rap ha rock : hentoù ar vrezhonegerien yaouank par Kerne Multimédia le 13/11/2017