Labouret o doa start bugale Kemper, Kemperle, an Oriant, Rianteg, Tregon... ha setu Diwan Banaleg o rastellañ an holl brizioù !
Kaset oa bet ul labour a feson gant skolajidi Gwenole Bihannig er Releg Kerhuon. E skolioù ivez, bugale aketus, o tresañ, o klask ar gerioù a vanke dezho, oc'h eskemm etrezo. Gwir eo, boaz e vez Gwenole er Releg hag Yvan e Banaleg da skrivañ haiku gant o skolidi. Neuze, kalon vat ha trugarez d'ar re all ! Ha roet an tem evit kenstrivadeg 2017 : an hent. D'ho pluennoù !
Brezhoneg, bugale
Digor eo ma frenestr
an avel o kas ac’hanon
betek an oabl ! Margaux, skol Diwan Banaleg
Tad-kozh ha mamm-gozh
ar ganevedenn o tont
avel ebet ken. Yuna, skol Diwan Banaleg
War an draezhenn
gant ma mantell gris
ma sarpant o nijal. Liam, skol Diwan Banaleg
Brezhoneg, Krennarded
Sourradenn an avel
dre un duellen vetoñs
sonerezh ar chanter. Fañch, skolaj Ar Releg
Avel vor, avel viz
o tegas blas ar bezhin
d’ar martolod kozh. Youna, skolaj ar Releg
Avel er maez
ar pellgomzer o seniñ,
an nor o stlakal. Gabriel, skolaj ar Releg
Brezhoneg, tud deuet
Kevnidenn n’he c’hastell
luskellet gant an avel
argad dantelezet. Annaig Kervella
Al loar a-drek koumoul
delioù o treuziñ an hent
krog eo ar fest-noz. Anne-Claire Even
Gwez derv kozh gleb
ne chom war Gerampuilh
‘met rock an avel. Milena Krebs
- Kenstrivadeg haiku : daou viz a chom evit kas ho re ! par Kerne Multimedia le 04/01/2023
- Haiskrivmeurzh : 342 haiku ! par Kerne Multimédia le 17/04/2022
- La cueillette des mûres, Pierre Tanguy par Brigitte Maillard (Monde en poésie) le 18/03/2021
- Haiskrivmeurzh : kregiñ a ra hiziv ! par Kerne Multimédia le 01/03/2021
- 1318 Haiku resevet : Kenstrivadeg Taol Kurun a ra berzh par Kerne Multimédia le 02/02/2021
- Gouelioù laouen d'an holl ! par Kerne Multimédia le 25/12/2020
- 366 haiku, disoc'h ugent vloavezh a varzhoniezh poblek par Kerne Multimédia le 17/12/2020
- 600 haiku erruet dija : chom a ra 21 devezh par Kerne Multimédia le 09/12/2020
- Barzhoniezh ha kleweled : Haruto hag Akina par Kerne Multimédia le 30/04/2020
- Un coup de jeune sur Taol Kurun 2018 ! par Kerne Multimédia le 25/12/2017