ABP

- Interview -

Alan Kervern hag anken pobl Japan

Komz a ra japaneg, darempredoù en deus Alan Kervern gant ar Japaniz abaoe pell. Amañ e vez displeget gantañ ul lodenn eus personelezh pobl Japan.

Par Fanny Chauffin pour ABP le 4/04/11 22:51

Komz a ra japaneg, darempredoù en deus Alan Kervern gant ar Japaniz abaoe pell. Amañ e vez displeget gantañ ul lodenn eus personelezh pobl Japan.

ABP - Bet out meur a wech e Japan, sur a-walc'h 'peus bet tro da gaozeal gant da vignoned a zo o chom du-se, penaos e vez bevet an darvoud spontus e Fukushima ganto ?

Alan Kervern - Er vro-se, ez eus un doare disheñvel-kenañ da welout an natur hag an dud o vevañ enni.

Hervez filosofiezh deuet eus sevenadur broioù ar Mor-Kreiz, hag a zo deuet da vezañ filozofiezh broioù Europa ha broioù Amerika dre vras, Mab Den a zo da gentañ tout kreiz ar bed, ha ret eo d'an natur plegañ dirazañ. Disheñvel eo spered an dud e Japan,ha dre vras e broioù ar Reter Pellañ. Hervez sevenadur ar broioù-se, Mab Den zo ul lodenn hepken, unan bihan-bihan, eus an Natur, ha neket kreiz ar bed. Setu perak - dre un doare disheñvel da welout ar bed - e cheñch an darempredoù etre an dud ivez.

ABP - Gouest e vo ur wech adarre pobl Japan da adsevel goude (gant ma vo ur "goude") Fukuchima ?

AK – Adsavet vo ar vro-se gant an dud, peogwir n'eo ket - evito - an amzer hag a dremen un enebour, met ar c'hontrol eo, ur mignon dezho eo.Evel-se, temploù ha santualioù a vez renevezet pep ugent vloaz gant koad. Ha dre c'hras an amzer e vezont bepred nevez en un doare dalc'hus. E mod-se vo, a-dra-sur, e rannvro Sendaï.

ABP - Peseurt heklevioù'peus bet gant da vignoned chomet e Japan ?

AK – Hervez va mignoned, Tôkyô hag Osaka zo leun a repuidi, dreist-holl babigoù, tud kozh ha tud ampechet. Met keloù ebet diwar-benn kreizenn nukleel Fukushima, ha dreist-holl diwar-benn an dañjer hag a zeu er-maez ar greizenn-se.

ABP - Nerzh nukleel ha demokratelezh : hag-eñ e vez, evel e Bro-C'hall, un doare jakobinelezh a lak keodedourien Japan da chom hep gouzout tra diwar-benn an industriezh nukleel ?

AK - Un dra zo sur, ne ya ket mat an traoù gant an demokratelezh pa vez an nerzh nukleel er jeu. E Japan ivez, n'eo ket sklaer an darempredoù etre ar gouarnamant, ar gazetennerien ha strollad pouezañ ("lobby“) an nerzh nukleel.Hervez an dud, ar wirionez diwar-benn afer Fukushima hag an dañjerioù tro-dro d'ar greizenn a zo kuzhet d'an dud ordinal.

Voir aussi :

Si un jour il y a une guerre nucléaire, l'Ile longue sera détruite en priorité par Philippe Argouarch le 13/08/2022
La construction de 6 EPR est déjà actée ! Sans aucune décision démocratique, le gouvernement a donné à EDF une lettre de mission pour poursuivre sa fuite en avant par Sortir du Nucléaire le 14/10/2019
Le statut d’autonomie de la Polynésie française et la reconnaissance du fait nucléaire par Le blog de paul Molac le 12/04/2019
En cas de rupture brutale du barrage de Vouglans, la France pourrait subir les conséquences d'un accident de type Fukushima ! par Sortir du Nucléaire le 14/09/2018
Soudures défectueuses sur le chantier de l'EPR de Flamanville : le Réseau “Sortir du nucléaire“ et Greenpeace France portent plainte par Sortir du Nucléaire le 18/07/2018
Colloque sur les anciennes mines d'uranium et le risque radon - Vannes 28 avril 2018 par Stop nucléaire 56 Trawalc'h le 17/04/2018
Lourde condamnation d'un militant anti-CIGÉO : un pas de plus dans la criminalisation du mouvement contre l'enfouissement des déchets radioactifs par Sortir de Nucléaire le 30/01/2018
Vulnérabilité des installations aux agressions : la sortie du nucléaire est une urgence ! par Sortir de Nucléaire le 06/12/2017

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Vos 0 commentaires

Commenter :

Put your name here

ABP

Agir

Nous suivre