Put your name here

Aze e oant kazi holl, evit kinnig un abadenn dreist ha ne oa ket arvester ebet chomet azezet er fin evit goulenn da selaou anezho adarre...

Kontet e oa bet istor Yann-Fañch Kemener, bugaleaj an dastumer ha kaner meur, e yaouankiz, e vuhez, gant Achille Grimaud a lenne ivez barzhonegoù, hag hini vrav Emile Masson o kontañ istor ur vaouezh kozh. Yann-Fañch a vourre mont e darempred gant maouezed kozh, evit deskiñ ganto sonennoù pe marvailhoù brav : Catherine Duro, Maria Calvar, Mari Harnay...

Gant Aldo Ripoche, gourvioloñs, boaz an arzour da labourat ec'h-unan gant YFK, e oa kinniget an doare dezhañ da zegemer ur sonenn hengounel kenkoulz hag ur varzhoneg. Un drugar !

Gant Anne Auffret hag Annie Ebrel, aze oa bamet an holl : piv a ouie, a-raok an abadenn, pegen brav eo mouezh Anne, evit kanañ kan ha diskan kenkoulz ha kantikoù, div bladenn gant YFK, aze e oa atav evit pennadoù buhez diwezhañ he mignon, o vuheziñ oferenn hir Santez Triffin, mouezh an aeled, n'em eus ket klevet morse, met sur a-walc'h 'maint ket pell eus mouezh Anne !

Gant Annie, atav ken brav, ken kizidik an doare da gano, daoust d'an tommder pounner a oa war al leurenn.

Gant an daou soner yaouank (siwazh e vanke tout ar re all, hag Erik Menneteau en o zouez) e oa anat en doa hadet YFK greun mat evit gallout lakaat sonerien nevez da ziwan.

Skipailh Barzaz gant Gilles Le Bigot, Jean Michel Veillon hag Alain Genty oa aze, ne vanke 'met Hopkins, strobineller an tamboulinoù hag an trouzioù sklintin ha dic'hortoz. Dipitus.

Hag Erik Marchand, emit-hu ? Dipitus ivez, ne oa ket "aze". Evel un estrañjour, pell. Brav koulskoude sonenn gentañ kanet e kan ar bobl gant YFK kanet gantañ. Peget e daoulagad ouzh an tamm paper dirazañ, re nebeut a zarempred gant an arvesterien. Perak ?

Koulskoude anat eo e oa un abadenn a galite, gant tonioù dispar, met perak 11 den war al leurenn ? Ur "mekanik" n'en deus morse bet YFK pa oa bev ? Sur a walc'h, en un tu bennak e baradoz ar ganerien emañ o vousc'hoarzhin : "drol eo, ret eo bout marv evit kaout an arc'hant evit kas seurt abadennoù war raok"...

• Ar welsh rarebit, ur meuz gant bara ha bier ! par BREZHOWEB le 07/11/2024
• Istor ar brezhoneg gant Ronan Kalvez par BREZHOWEB le 24/10/2024
• Un tamm tro 'ba KEAV par BREZHOWEB le 17/10/2024
• Marion du Faouët, Robin des bois bretonne ? (non) par BREZHOWEB le 11/10/2024
• Marion ar Faoued, ur Robin ar c'hoad eus Breizh ? (tamm ebet) par BREZHOWEB le 10/10/2024
• Dilestradeg an Amerikaned e Breizh e 1944 par BREZHOWEB le 03/10/2024
• Petra nevez e brezhoneg e miz Here ? par BREZHOWEB le 01/10/2024
• Enklask war ar c’hleweled e brezhoneg gant André Lavanant par Philippe Argouarch le 16/08/2024

ABP

Agir

Nous suivre

Newsletters

Flux RSS - français

Flux RSS - breton

ABP sur Facebook

ABP sur X

Chaîne Youtube ABP

Le blog du site web