Publier | S'accréditer | | S'abonner à une newsletter | Faire un don
Logo ABP
ABP e brezhoneg | ABP in English |
Politique La réunification Economie Agro Mer Environnement Vidéos
- Communiqué de presse -
Votadegoù Europa : ur c'homite skoazell da ''Ekologiezh Europa'' e Kreiz Breizh
Ul lodenn a-bouez eus ekonomiezh Breizh eo al labour-douar hag e rankimp cheñch penn d'ar vazh ma fell deomp derc'hel peizanted hag uzinioù o tennañ gounit eus al labour-douarer Vro
Par Hervé Le Gall pour UDB Kreiz Breizh le 10/03/09 13:40

Ul lodenn a-bouez eus ekonomiezh Breizh eo al labour-douar hag e rankimp cheñch penn d'ar vazh ma fell deomp derc'hel peizanted hag uzinioù o tennañ gounit eus al labour-douar er Vro.

Evit UDB n'eo ket reizh an traoù e mod ebet pa vez 80% eus skoazelloù ar Stad hag Europa evit al labourerien-douar binvidikañ. Dav vo sevel ur politikerezh nevez a-grenn evit al labour-douar en Europa.

Ur politikerzh a zouj da vat ouzh an endro hag a zegas postoù labour padus en-dro er Vro eo a fell deomp sevel. N'omp ket evit degemer ar politikerezh liberal a zo oc'h ober e reuz en Unvaniezh Europa. Gant ar spered-se e tegas, en-dro, UDB Kreiz Breizh e skoazell d'an dud niverus a stourm ouzh ar raktres sevel un uzin moc'h bihan e Trabriant.

Evit dont a-benn da cheñch an traoù UDB ha RPS a skoazell hag a ra parti eus al listenn « Ekologiezh Europa » . Al listenn-se a vo war ar renk evit votadegoù Europa miz Ewen e pastell votiñ « kornog bras » .

A-benn souten listenn « Ekologiezh Europa» , en he fenn Yannick Jadot rener kozh Greenpeace Bro-C'hall, e vo savet, hepdale e Kreiz Breizh, ur c'homite skoazell, digor d'an holl, da « Ekologiezh Europa » .

E-kerzh an emvodoù e vo embannet soñjoù tud al listenn ha tabutet diwar-benn al labour-douar hag an endro, ar stourmoù sokial zo da ren da zerc'hel ha da zifenn gwirioù ar vicherourien, an diorren postoù-labour padus hep an uzinioù nukleel….

Kelaouet e voc'h a-benn nebeut pa vo savet an emvod kentañ da reiñ lañs da gomite skoazell « Europa Ekologiezh Kreiz Breizh » .

Evit UDB Kreiz Breizh : Herve ar Gall

Voir aussi sur le même sujet : élections européennes
Share on LinkedIn Partager sur LinkedIn
logo
[ Gwelout pennadoù all UDB Kreiz Breizh]
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 7 multiplié par 5) ?

ABP

Agir

Nous suivre

2003-2025 © Agence Bretagne Presse, sauf Creative Commons