Dec'h da noz eh eus bet ur froud nevez en Oriant, froud sonerezh Amerika Latin. Buena Vista Social Club, arouez bedel ar sonerezh kuban, o deus lakaet an Espace Marine da zañsal, da oueliñ ha da strakal. Daoust da ezvezañs sonerien pouezus ar strollad, él Compay Segundo, e chome memestra kreñv spered kuban Buena Vista Social Club. Kar dre mailhoni re yaouank ar strollad ha neuz vat ar re o deus bevet troioù-kaer Buena Vista eo bet tu dezhe adkrouañ ul lodenn vras ag aergelc'h pennfolus ar strollad er blezioù 50.

Ar strollad Asturian, Tejedor, en doa dija lakaet tan d'ar sal get o sonerezh hag o binviji hengounel mesket da mouezh alfous ar ganerezh iwerzhonad Karan Casey.