ABP

- Annonce -

Ar Prof : Un heuliadenn nevez skignet fenoz war Brezhoweb

Fenoz da 8e45 'vo skignet un heuliadenn nevez war Brezhoweb, anvet Ar Prof (An Bronntanas en iwerzhoneg). Bout 'zo 5 rann, unan nevez 'vo skignet bep gwener 8e45 noz war lec'hienn Brezhoweb.

Par Corinne ar Mero pour BREZHOWEB le 23/03/18 10:27

Fenoz da 8e45 'vo skignet un heuliadenn nevez war Brezhoweb, anvet Ar Prof (An Bronntanas en iwerzhoneg). An heuliadenn a zo o tont eus Bro Iwerzhon, filmet eo bet en iwerzhoneg hag e saozneg, advouezhiet eo bet e brezhoneg met n'eo ket bet advouezhiet e galleg c'hoazh. Bout 'vo istitloù e galleg evit ar re o deus c'hoant (posubl 'vo choaz hep pe gant istitloù). Dizaliet eo an heuliadenn d'ar re en tu-mañ da zek vloaz.

Diveradenn an heuliadenn :

An heuliadenn nevez "Ar Prof" skignet war Brezhoweb.

En ul lec’h bennak war aodoù Conamara, un nozvezh tourmant, rust ar mor, ez a ar skipailh skoazellañ er mor da saveteiñ ur vag o vont da get.

War bourzh ar vag e kav izili ar skipailh korf ur plac’h bet muntret, staget he daouarn, hag e tizoloont ur c’hargad drammoù ur milion a euroioù e dalvoudegezh.

Ur prof ampoezonet ? Petra eo prest un den d’ober da gaout arc’hant ?

Diveradenn ar rann gentañ : Distro ar mab foran

Pa zistro JJ Magill da vro Iwerzhon emañ embregerezh ar familh o vont da get. Galvet eo JJ evit ur c’hefridi skoazellañ er mor, asambles gant e vreur Macdara ha Jakub, un den dianavezet gantañ. War bourzh ar vag, An Bronntanas (ar prof) hec’h anv, e kavont korf ur plac’h bet muntret. Re ziwezhat eo eviti met, kuzhet war vourzh, e tizolo Jakub ha Macdara un dra a c’hello cheñch o buhez da viken.

Roll ar rannoù

rann 1 (23/03 8e45) : Le retour du fils prodige / Distro ar mab foran

rann 2 (30/03 8e45) : D’ami à Ennemi / Mignon a-gozh, enebour nevez

rann 3 (06/04 8e45) : Nuggets de poisson / Bizied pesked

rann 4 (13/04 8e45) : Affaire de famille / Aferioù familh

rann 5 (20/04 8e45) : Compte à rebours final / Kontañ war gil betek ar fin

Evit gwelout an heuliadenn, kit war lec'hienn Brezhoweb adalek 8e45 noz : (voir le site)

Posubl 'vo gwelout ar videoioù er VOD digoust a-hed ur miz.

Voir aussi :

Michael D Higgins, président de la République d'Irlande, reçoit le Collier de l'Hermine à Dublin par Philippe Argouarch le 13/11/2024
Prix du livre insulaire 2025 par Culture, arts et lettres des îles le 12/11/2024
Forum de l’Arbre, de la Forêt et du Bois par ROND VERT le 13/11/2024
Ar Redadeg : remise des chèques pour le soutien de la langue bretonne par ChatGPT le 12/11/2024
Christian Troadec : J'étais un élément turbulent car je demandais un vrai plan de sauvegarde de la langue bretonne par Philippe Argouarch le 12/11/2024
Exposition des artistes plasticiens OSTRE'ART 2024 par I.R. le 11/11/2024
Inauguration à Carhaix : hommage émouvant à la poétesse Anjela Duval et à Sébastian ar Balp, figure des Bonnets Rouges par Philippe Argouarch le 09/11/2024
L’Union Démocratique Bretonne appelle les communes bretonnes à agir contre la crise du logement avec la nouvelle loi sur les meublés de tourisme par ChatGPT le 09/11/2024

An tele nemetañ e brezhoneg penn-da-benn ! Abadennoù evit ar re vras hag ar re vihan, filmoù, teulfilmoù, tresadennoù-bev, rummadoù, sitkomoù... Adkavit an holl brogrammoù e brezhoneg war lec'hienn Brezhoweb war-eeun etre 6e noz ha 10e30 noz, pe er replay pa faot deoc'h.

[ Gwelout pennadoù all BREZHOWEB]

Vos 0 commentaires

Commenter :

Put your name here

ABP

Agir

Nous suivre