ABP

- Reportage -

Un eostad haiku fonnus a-raok an hañv : amzer d'ar vugale da vont war raok c'hoazh

Ugent bugel aketus o selaou penaos e vez savet haïku e Japan hag e Breizh

Par Fanny Chauffin pour ABP le 25/06/12 15:25

Klasad Annig e skol Diwan Kemperle : ugent penn blev melen, ruz ha du leun a fent hag a vrezhoneg, o c'houlenn resisadurioù war an doare da sevel haïku. Pet silabenn ? Penaos kontañ buhez ul louarn en ur barzhoneg ken berr ? Penaos komz diwar-benn an amzer, ar from, al loen, un istor tennet eus va buhez din-me liammet gant al louarn... e teir linenn ?

Deuet e oa Mai Ewen, priz Imram 2011, da zisplegañ dezho penaos ober. Skrivet ouzh an daolenn gerioù e brezhoneg : " skolig al louarn - ul louarn fin - mouar - douarenn al louarn - al lous - chaseourien - mouar - flastret -... "

Ha diskouezet 'oa bet dezho ul louarn faos o tisplegañ pegen lemm e oa divskouarn ul louarn, pegen fin e oa e fri evit c'hwezhañ pep tra tro dro dezhañ.

Ha war lerc'h, un hanter-eurvezh gant ur follenn ha fotoioù evit sikour ar re ne oant ket awenet. Ha dindan, ar barzhonegoù a zo bet skrivet. Prest eo Mai Ewen da zont er c'hlasoù pe da stummañ kelennerien ha skolaerien o dije c'hoant deskiñ sevel haiku ganto ha gant ar c'hlasad. (06 79 14 96 87)

Perak 't eus ket sellet

a-gleiz hag a-zehou

a-raok treuzin an hent ?

Ur babig louarn

o c'hoari

en heol.

Marv al louarn

gant un oto

gwad war an hent skornet.

Da noz e miz Kerzu

ul louarn disampart ha klañv

en ur c'hoad teñval ha du.

Lazhet breur al louarnig

lazhet e dad lazhet e vamm

familh ebet ken.

C'hwezh ar chaseour

o tostaat

poent eo mont kuit.

Barv gwenn al louarn

e kreiz an erc'h

c'hoant dezhañ bout tad Nedeleg.

Daou louarn o pourmen

e-barzh ar c'hoad

gwisket gant e delioù nevez

Latar ar mintin

un oto ruz o tremen

skoet al louarn kozh.

. Source :

Voir aussi :

Kenstrivadeg haiku : daou viz a chom evit kas ho re ! par Kerne Multimedia le 04/01/2023
Gwernioù kuzhet, ul levr brav da brofañ ! par Kerne Multimedia le 30/10/2022
Les Rias : miliadoù a dud, krouiñ, barzhoniezh e leizh par Kerne Multimedia le 28/08/2022
Anjela Duval er Fil : barzhonegoù dislipet brav e brezhoneg par Kerne Multimedia le 22/08/2022
Haiskrivmeurzh : 342 haiku ! par Kerne Multimédia le 17/04/2022
7vet haiskrivmeurzh : evit lidañ mizvezh ar varzhoniezh hag ar brezhoneg par Tvbro kemperle le 27/02/2022
De 1970 à 2000, les deux vagues celtiques par Kerne Multimédia le 30/12/2021
Me garfe mont : un doare dic'hortoz da selaou Grall par Kerne Multimédia le 30/12/2021

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Vos 0 commentaires

Commenter :

Put your name here

ABP

Agir

Nous suivre