Put your name here

Goude Skaer, Tremeven, Mellag, Gwellegouarc'h ha Kloar, setu Kemperle, kêr etre an Isol hag an Elle

Dastumet e oa bet komzoù 16 den evit kontañ istor Kemperle, hag a vo istitlet e brezhoneg e galleg war div skramm tv bras staliet war prad Sant Nicolas.

Piv int ? Bugale skol Diwan Kemperle o atersiñ Marie Louise ha Lili, pe rouanez Kemperle, da skouer. Evit brezhoneg bro Kemperle, sur a walc'h eo atersadenn Roland Peron ha Mimi Raoul a zo ar re zedennusañ : brezhoneg saourus Molan ha Rieg, ha fent forzh pegement. Gant Denise oa bet kontet istor Marianne Pasco, pesketaerez eoged el Laita, a oa toullbac'het alies... Pe mod all gant Loeiz, ar marc'had du e Kemperle pa veze kuzhet andouillenn, amann, kig moc'h e karr ar vugale, gant ur boupinell "celluloid". Gant Roger Stefan e klevec'h kan Toulfoen, ar fest vrudetañ zo bet e Kemperle a sache betek 200 000 den d'al lun Pantekost...

Mod all, evel forzh peseurt tro vale, e vo baleadennoù, diskouezadegoù, c'hoarierien ha sonerien war an hent, krampouezh ha chistr evit an distro, ha fest deiz gant sonerien ha kanerien ar vro evit ar re o do c'hoazh startijenn goude tro Forest Tolfoen pe hent Savary Krebs !

2 euro, digoust evit ar vugale, prad sant Nikolas (hent ar Pouldu, kichen al Laita).

• Manifestadeg e Kemperle : kenderc'hel a ra ar stourm par Kerne Multimedia le 03/05/2023
• Dastumerezed : ha ma vefe kontet o istor ? par Kerne Multimedia le 08/02/2023
• Prezegenn 50 vloaz Dastum gant Christian Rivoalen par Kerne Multimedia le 04/02/2023
• Kroget eo Taol Kurun, ha kroget mat par Kerne Multimedia le 17/01/2023
• Kan ar bobl ar gonterien : d'ar merc'her 25 a viz Genver da 3e e Kemperle par Kerne Multimedia le 03/01/2023
• Marv eo livour livioù bro al Laita par Kerne Multimedia le 27/12/2022
• Marijo Mellouët aet d'an Anaon : bro Kemperle e kañv par Kerne Multimedia le 22/07/2022
• Enoret eo barzh Kemperle er vro : eilvet diskouezadeg e Kerne par Kerne Multimedia le 04/07/2022