Ur sal sinema sioul, goulennoù e-leizh. Dec'h e Kallag ha warc'hoazh en Iwerzhon, setu Soazig o respont da arvesterien Kemperle
Kinnig a ra Soazig Daniellou, renerez ar stal broduiñ Kalanna, he film "Lann vraz", ar film faltazi hir kentañ e brezhoneg, c'hoant ganti da ziskouez pegen brav e oa al labour skipailh kaset da benn, daoust d'an 50 000 euro a vank evit klozañ ar budjet. Kemer riskloù a zo un dra a blij dezhi. Gouzout a ra e vez ret stourm evit kaout arc'hant, ha n'eo ket aes bemdez.
Ne oa ket bet aes ivez cheñch ar skrid, a oa bet aozet, e penn-kentañ, e c'hwec'h lodenn gant seizh den a gemere perzh en un atalier skrivañ. Goulennet e oa bet ganti, etre miz Meurzh ha miz Eost, lakaat ar lodennoù-se da vont d'ober ur film hir. Hag adframmet e oa bet pep tra, ganti ha gant Aziliz Bourges.
Ren ur skipailh, teir sizhun-pad, a oa bet ur blijadur dezhi. Komz brezhoneg en tavarnioù, en ostaleri, lakaat aktourien da c'hoari, ar brezhoneg ar yezh nemeti implijet ganto : un taol kaer, anat eo.
Er sal e oa bet goulennoù a vil vern : tud o trugarekaat, o kanañ meuleudi dezhi, plijet gant ar sonerezh, gant an natur, gant ar skeudennoù eus Breizh, etre ar mor hag an dud oc'h ober war-dro an istr.
Breizh Soazig Danielloù a oa war ar skramm : bed an Arvor, bed ar c'hêrioù bihan, etre an davarn hag al lec'h labour, ur familh gant tud yaouank o klask o hent, tost ouzh an dud all.
E Kallag e oa dec'h hag e Pariz war ar memes tro. Warc'hoazh ez aio Soazig war vag betek en Iwerzhon, ha da c'houde, tregont gwech c'hoazh en hent evit diskouez "Lann Vraz". Bez' ez eus tud e Breizh na ziskuizhont james. Soazig a zo unan anezho.
- Deuit disul da Gemper : 8 film berr krouet e 48 eurvezh diskouezet d'an arvesterien ! par Kerne Multimedia le 27/09/2022
- Brezhoneg ha gallaoueg e Ciné FIL : interessant atav ! par Kerne Multimedia le 25/08/2022
- Troiad sinema evit ar vugale : adkroget eo ! par Kerne Multimédia le 10/03/2022
- David Grosclaude, atav ken bourrus par Kerne Multimédia le 21/08/2020
- TV Bro Kemperle : 300 000 video gwelet an dibenn sizhun-mañ par Kerne Multimédia le 02/05/2020
- Redadeg ebet disadorn... par Kerne Multimédia le 30/04/2020
- Barzhoniezh ha kleweled : Haruto hag Akina par Kerne Multimédia le 30/04/2020
- Un teulfilm sevenet gant Féa ha Kaouenn : Fubudennig war an hent par Kerne Multimédia le 25/04/2020
- Ur bourmenadenn dekonfinet par Kerne Multimédia le 24/04/2020
- The secret of the mine, e saozneg par Kerne Multimédia le 22/04/2020