ABP

- Communiqué de presse -

Produit en Bretagne o kreñvaat he gwrizioù

Goude Sant-Brieg warlene e oa tro Karaez da zegemer emvod-meur Produit en Bretagne. Laouen-bras e oa Jakez Bernard, ar prezidant, pa wele dirazañ ar 500 den deuet betek Karaez da glevet

Par Gwenael Dage pour Ya ! le 25/02/11 21:30

Goude Sant-Brieg warlene e oa tro Karaez da zegemer emvod-meur Produit en Bretagne.

Laouen-bras e oa Jakez Bernard, ar prezidant, pa wele dirazañ ar 500 den deuet betek Karaez da glevet bilañs ur bloavezh dibunet gant ar rener Malo Bouessel Du Bourg, o renta-kont eus kement koulzad brudañ zo bet kaset da benn. Startijenn e-leizh a zo gant ar gevredigezh, ha kontoù kempouez , ha brud o kreskiñ un tamm e pep lec'h, peadra da reiñ c'hoant da embregerezhioù dont da vezañ ezel , evel m'o deus graet c'hoazh 44 anezho e 2010. « 2750 devezh a zob et roet gant an izili, a-benn kemer perzh e buhez ar gevredigezh. Piv zo gouest d'ober kement all ? » a c'houlenn ar prezidant d'ar saliad, kendrec'het gant imor vat ar renerien.

Pelloc'h

E-pad bloavezhioù he deus pouezet Produit en Bretagne war ar c'hengred. Kendalc'het e vo, evel-just, met cheñch ton a raio ar bruderezh. « Dav deomp mont war dachenn ar blijadur, implij ar binvioù modern evel Internet, ha krediñ bezañ un tamm diroll, evit en em zigeriñ war ar re yaouank » eme Martine Perrault, e-karg eus ar c'hehentiñ en ur ginnig ar c'houlzad buderezh o treiñ tro-dro d'an adlec'helaat . Goude eo bet tro Herve Juvin, ekonomour, eus Malestreg, deuet da reiñ skouerioù tennet eus e veajoù dre ar bed ha da gadarnaat Produit en Bretagne en he dibaboù, o embann meur a wech « e tremeno an dazont dre ar strolladoù tud dezho un identelezh kreñv ha n'eo ket dre an hiniennoù. »

Estrenvro

« 18 vloaz goude bezañ bet roet lañs da Produit en Bretagne eo deuet poent mont pelloc'h » a zisklerias Jakez Bernard en ur ginnig un aozadur nevez, Bretagne Excellence, un embregerezh mod nevez hag a ginnigo d'an estrenvro ar pep gwellañ eus ar pezh a vez graet e Breizh. Hag eñ da c'houlenn e kemerfe Produit en Bretagne perzh evit 150 000€ e kevala an SARL. Bez' e tlefe an aozadur-se bezañ savet hepdale, sikouret ma vo gant an tiez-bank brasañ a gaver e Breizh. Brudañ a raio 300 produ, e-touez ar re wellañ a vez graet er vro.

Goude an devezh eskemm eo aet pep hini eus e du, o lakaat emgav evit an nozvezh sevenadurel a vo aozet d'an 20 a viz Mae e Gwened, evit tañva krouidigezhioù nevez arzourien Breizh.

Voir aussi :

Rendez-vous aux 5e Rencontres professionnelles Culture et Economie le 21 novembre à Lorient par Produit en Bretagne le 28/10/2024
Faire connaître la première projection en cinéma du documentaire "Le Trégor finistérien : petit territoire, grande histoire par Jean-Jacques Monnier le 07/02/2024
Rendez-vous aux 4e Rencontres professionnelles Culture et Economie le 6 octobre à Rennes par Produit en Bretagne le 18/09/2023
Prix musical 2023 de Produit en Bretagne par La rédaction le 10/05/2023
Remise des Prix de la Meilleure Nouveauté 2023 de Produit en Bretagne : la créativité alimentaire bretonne récompensée par Produit en Bretagne le 18/01/2023
Rendez-vous aux 3ème Rencontres professionnelles Culture et Economie le 30 septembre à La Gacilly par Produit en Bretagne le 31/08/2022
Carabreizh et Treebal, lauréats du Prix Ambassadeur de la Langue Bretonne 2022 de Produit en Bretagne par Produit en Bretagne le 25/07/2022
Malo Bouëssel du Bourg (Produet e Breizh hag ekonomiezh) - Pennad Kaoz par BREZHOWEB le 28/06/2022

Cet article a fait l'objet de 1465 lectures.

[ Gwelout pennadoù all Ya !]

Vos 0 commentaires

Commenter :

Put your name here

ABP

Agir

Nous suivre