S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Deuet zo ur pemzek levr bennak er-maez evit ar re yaouank, e brezhoneg, evit Gouel al levrioù, met penaos dibab ?
Bed ar skol eo bed al levrioù e brezhoneg, re alies. Dre ma ne vez ket prenet levrioù gant ar gerent, n'int ket brezhonegerien evit lod anezho, penaos lakaat al levrioù-se da vont betek en tiez ? Kelaouiñ zo d'ober, e brezhoneg hag e galleg, ar skolaerien, ar gelennerien, ar re a blij dezho lenn e brezhoneg, evit ma treuzkasfent ar blijadur o lenn d'ar re vihan, d'ar re yaouank a vo lennerien da c'houde...
Neuze, krogomp gant Priz ar Yaouankiz. N'eus ket pell zo e oa bet savet ar goulenn, e-kerzh Gouel al levrioù, gant ur plac'h : penaos dibab ? Kazi 100 levr (94 evit bout resis) a zo bet embannet e-korf dek vloaz. Peseurt re a vefe ar re da lenn, evit chom hep koll amzer ? Bezañ heñchet a felle d'ar plac'h, evel n'eus forzh piv en ul levraoueg pe en ur stal-levrioù...
Ma, piv 'vefe kad da lavarout peseurt re a c'haller renabliñ evit respont dezhi ? Ar re yaouank o doa votet ? Kredapl. Ar skolaerien hag ar gelennerien a lak an hevelep levrioù da vezañ studiet gant o c'hlasadoù a vloaz da vloaz ? Al lennerien feal o deus bet lennet ar 94 levr-mañ ?
Setu neuze ul listenn evit ar bloavezhioù paseet. Met lennit ar re nevez da gentañ, ar re zo da vezañ lennet er bloaz-mañ gant ar vugale evit PAV ha PAY (Priz ar Vugale ha Priz ar Yaouankiz) :
Priz ar Vugale (levrioù a c'hell bezañ lennet gant ar re a zo e kentelioù noz ivez) :
- C'hoari tavarn, gant Erwan Brenn
- Pikez blev ruz, gant Denise Lefranc
- Brezel war ar porzh-c'hoari, gant Uisant Crequer
- Ur sorserez eo Mamm-gozh, gant Maina Mallejac
- Deomp Slowly, gant Pierre-Emmanuel Marais
Priz ar Yaouankiz:
- Brezel an Erevent, gant Moran Dipode ha Marianna Donnart
- Kest, gant Kristian Ar Bras
- Dremm ur vamm, gant Annaig Renault
- Hunvreoù, gant Gwenvred Latimier-Kervella
- Katrina, gant Jakez-Erwan Mouton
- Lomig Bolomig, gant Erwann Brenn
- War sikour Eleonor, gant Yann-Fañch Jacq
- Avalon, gant Pierre-Emmanuel Marais
- Iskisaat breur bihan, gant Anthony Renaudin
- Balafent, gant Patricia Legrand ha Katell Chantreau
- Marvet war vor, gant Yann Bijer
- Chase Valeeg, gant Ewen Jacq
Hag evit gourc'hemenn anezho : (voir le site)
hag evit prenan ar re a zo koshoc'h :
Vidéos