Biskoazh kemend all !
Ha koulskoude ne soñj ket diñ e naac'hfe ar vFNAC da lakaat levrioù e brezhoneg war well hag evit prenañ, ma'z eo goulennet diganti gant OaB evel just.
En ur lâret se e teu din e'm eñvor gerioù lennet dindan bluenn he rener kentañ André Essel ec'h añv (e-barzh kazetenn FNAC, war-zu he pratikoù) : "une entreprise ne peut pas aller contre la loi". Lâret e voe ur frazenn-se e-giz-se pe dost e maread lezenn Lang da-geñver priz al levrioù.
Setu perak, ar vFNAC - ma chom un dra-bennak d'he spered kentañ - ne c'hellfe ket c'hoari gant gwenneien ar Vreizhiz (ma vefent brezhonegerien pe get).
Trugarez deoc'h evit ar pennad-se.

Displeget 'm boa ar wech paset dija perak e oa diaes kaout levrioù en hor yezh en ur FNAC, met ret 'vo din addisplegañ neuze :
" Ret eo deoc'h gouzout n'eo ket aes tamm ebet mont en-dro ur stal evel ar FNAC evit degemer al levrioù. Ret eo d'al levr bezañ degemeret en un doare broadel (war Bro-C'hall a-bezh), ha n'eo ket a-stal da stal !
Setu perak n'eo ket anat lakaat levrioù en hor yezh da vont e-barzh..."

Da Francis: talvoudus e kavan ho tisplegadenn, met:
1) m'eo gwir pezh a lârit e c'heller cheñch doareoù mont en-dro ar stalioù atav, evito da glotañ gwelloc'h gant ar pezh a vez goulennet gant ar brenerien (lezenn ar marc'had, pea)
2) ha ne vez ket kavet levrioù e saozneg, alamaneg pe spagnoleg un tamm e pep lec'h e diabarzh harzoù ar C'hwec'hkorn (en dachenn "vroadel" ma fell deoc'h)? Brezhonegerien a zo en tu all da Vreizh-Izel ivez, eveldon da skouer. Pezh zo, ne ouezer ket ha niverus int. Met kavet e vo tud da brenañ... pe get, evel evit pep levr. E mediaoueg Poitiers ez eus levrioù brezhonek, un nebeud re. Neuze?

Bretoned zo a gav "anat" e tlejemp kavout levrioù brezhonek e stalioù-levrioù Breizh.

Ar pennadig-se n'eo ket db ar FNAC hepken eo, met db ar prizioù...
Unan zo bet roet d'un troour brezhonek, YV Thorel, hag a ra levrioù brezhonek evel-just, unan all d'ur marc'hadour levrioù , ha ne fell ket dezhañ gwerzhañ al levrioù-se.
Hag ar memes Priz Rannvroel Dazont ar Brezhoneg dezho o-daou.

Demat deoc'h,
Dre ma sell ouzh ar prizioù roet gant an Ofis publik en anv Rannvro Breizh e respontan d'ar pennad-mañ. Goap ouzh ar vrezhonegerien eme Mark Kerrain, feiz ne gredan ket met pep hini zo libr da soñjal ar pezh a gar evel-just.
N'eo ket bet roet prizioù dazont ar brezhoneg d'ar FNAC peogwir e werzhe (pe ne werzhe ket, anat deoc'h) levrioù brezhoneg. Roet eo bet ar prizioù peogwir e oa bet staliet gant FNAC Roazhon ur panellerezh divyezhek er stal evit ar wezh kentañ e Frañs. Gant ar priz zo bet roet dezho ez eus bet c'hoant gant ar juri da lakaat war wel ar striv-se a-berzh ur stal vras diazezet e Pariz, gant ar spi da welet stalioù all ar FNAC d'ober kement-all war-lerc'h ha gant ar spi e c'hallfe ar skouer-se talvezout ivez da stalioù bras all pe e vefent stalioù diazezet e Pariz evel ar FNAC pe stalioù eus ar vro.
Tud zo a garfe bevañ en ur bed dispar ha reizh ma vefe doujet d'hor yezh gant an holl e pep lec'h e kement degouezh zo. Kalz a stalioù pe embregerezhioù ne reont ket netra gant ar brezhoneg. Pa vez ur stal arouezius a grog d'ober un dra bennak e c'haller kaout emzalc'hioù disheñvel en he c'heñver. Tu zo da skeiñ ganti dizamant peogwir ne'z a ket pell a-walc'h. Tu zo ivez da reiñ mel evit ar pezh zo bet graet, gant ar spi e vroudo anezhi da genderc'hel gant an hent nevez bet dibabet ganti. Evel ma lavare an dud gwechall, da lakaat an azen da vont war-raok, e c'haller reiñ taolioù bazh dezhañ sur, met boueta anezhañ n'eo ket fall ivez a-wechoù.
Hir eo an hent, ha goustadik e cheñch ar bed, met cheñch a ra, tamm-ha-tamm, ha diviz ar FNAC a ziskouez deomp an dra-se.
Fulup Jakez
Rener Ofis Publik ar Brezhoneg

Kelaouiñ ar vrezhonegerien a bae tailhoù n'eo ket "skeiñ ganti dizamant".