Publier | S'accréditer | | S'abonner à une newsletter | Faire un don
Logo ABP
ABP e brezhoneg | ABP in English |
Politique La réunification Economie Agro Mer Environnement Vidéos
- Annonce -
Erminigoù 2017 : meur a film a vo !
Evit ar pedervet gwech e vo aozet gant rouedad ar skolajoù hag al lise Diwan ur genstrivadeg filmoù
Par Fanny Chauffin pour Kerne Multimédia le 4/05/17 20:01
:

Goude konkour filmoù-chakod, setu kenstrivadeg an Erminigoù. E pep skolaj hag el lise e vez echuet, peurlipet, renket ar skeudennoù, ar son... evit bout prest da ziskouez e sinema ar C'hazeg C'hlas ba Karaez al labour graet.

Goude Avel Corre ha Tangi Merrien e 2015, ar gelennerien e 2013, Soazig Daniellou e 2012, setu tro daou gelenner brudet evit o labour e kleweled a vo juri Erminigoù 2017 : Gireg Konan, savet gantañ ar chadenn war Internet "Kaouenn.net" ha Jakez ar Born, kinniget gantañ hag e skolajidi meur a film evit an Erminigoù paseet.

Emgav neuze d'ar meurzh 23 a viz Mae e Karaez. Erminig aour, Erminig an aktourien, Erminig ar senario, Erminig ar brezhoneg... a vo roet d'ar skolajoù e fin an devezh. E-pad an deiz e vo sellet anezho gant an holl bevareidi Diwan ha roet e vo ganto "Erminig an arvesterien". Plijadur a vo, un digarez da welet labour ar re yaouank, hag ivez da blantañ brezhoneg war ar rouedad, kar skignet e vo war ar chadenn "TV Lise Diwan Karaez" an holl filmoù.

Setu neuze ar filmig bet Erminig aour e 2015, o c'hortoz ar re a vo trec'h fin miz mae !

Voir aussi sur le même sujet : erminigoù, kleweled, krouidigezh, diwan
Share on LinkedIn Partager sur LinkedIn
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
[ Gwelout pennadoù all Kerne Multimédia]
-- Vous serez notifié des nouvelles publications.
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 0 multiplié par 1) ?

ABP

Agir

Nous suivre

2003-2025 © Agence Bretagne Presse, sauf Creative Commons