S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
C'hoant en deus bet Strollad Breizh aozañ e bevare kendalc'h e Kemper, evit enoriñ an araokadennoù a-bouez bet tapet gant kevredad Penn-ar-Bed, ennañ tost da gant ezel. Ar strollad yaouank-se, bet krouet e Naoned e 2003, hag en deus sañset 500 ezel hiziv an deiz, en deus lañset e gampagn evit dilennadegoù Europa dec'h en un doare ofisiel, hag adnevesaet eo bet e Guzul Broadel. Er burev e kaver ar memes re hag a-raok, met brasaet eo bet ar C'huzul Broadel eus 22 betek 33 ezel. Ar prezidant a zo c'hoazh hag adarre Gérard Ollieric, eus Mesker e Bro-Wenrann, ar bezprezidant Jean-Claude Rivallain, an teñzorer Hervé Bouché. Emile Granville a zo paotr ar strollad, ur bostenn hag a zo bet krouet nevez zo. Ar sekretour a zo Gérard Guillemot; an den e-karg eus ar c'hehentiñ-diabarzh a zo Alphonse Samson hag an hini e-karg eus ar c'hehentiñ diavaez a zo Jakez an Touz.
Evit dilennadegoù Europa e vo Émile Granville, eil maer Redon, heuliet gant Odile Forniol, kuzulierez ker Widel, hag Hervé Le Guen eus An Oriant. Disklêriet en deus Strollad Breizh ec'h imor da gaout 15% eus ar mouezhioù d'an nebeutañ e dilennadegoù rannvro 2010, e-barzh stern ul listenn unvaniezh.
Ma'z en em vann Strollad Breizh difennour interestoù Breizh, ez eo e bal war hir termen krouidigezh ensavadurioù emren gwirion, e-giz e Bro-Gatalogn pe e Bro-Skos. Un arouez emañ Strollad Breizh en e varr eo ar fed emañ o vont da zigeriñ ur sez pad en Oriant, lec'h m'eo emboudet mat.
Vidéos
Newsletters
Flux RSS - français
ABP sur Facebook
ABP sur X
Chaîne Youtube ABP