Dec'h emañ kroget Koun-trec'h Loïc Raison e Egorenn Breizh. Ar c'hevezadeg-se a ro ar chañs da 15 strollad folk awenet get ar sonerezh keltiek da zigeriñ ar fest noz disadorn e Egorenn Breizh. Kroget neuze get ar genstrivadeg hag en doa lakaet ar vrav a strollad Nish as Rish da c'hounit ar blez tremenet.

Ar blez-mañ neuze eo bet digoret ar genstrivadeg get Craobh Rua, ur strollad a Belfast. Lakaet o deus an dud da c'hoarzhiñ get o farsadennoù kontet en ur galleg distabil ha moutig. O sonerezh brav a walc'h get ur banjo dedennus 'n eus kaset doc'htu an arvesterien e menezioù Bro Iwerzhon. Goude-se eh eus bet strolladoù parisianed, the Charmrocks ha Kazdall. Daoust d'ur violoñs startijennek a walc'h ar strollad kentañ a zo chomet da kaniñ kannennoù diazez Bro Iwerzhon d'un doare amparfal. Hag an eil kaset gete startijenn o deus memestra lakaet an dud da zañsal àr tonioù mil anavezet.

Kendalc'h a raio ar genstrivadeg ar sizhun a-bezh get tri strollad bemdez. Gortoz a reomp neuze strolladoù o deus dija graet o prouennoù él Klegadenn pe Barrule.