S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Gouel al levrioù Karaez. An ugentvet. Tremen a ra an amzer… Gouel al levrioù, ya. N'eus ket bet kaoz re deus e-bookoù, Kindle hag all, e kerbenn ar Poc'her. Tud o tont 'maez avat gant sac'hadoù urieier oa 'leiz. Alies goude un ehanig er bar. Sellet 'm eus a-dostoc'h ouzh ar re levrioù brezhonek gante. Romantoù, danevelloù (stankoc'h ar re-se – s.o. (voir le site) , geriadurioù, ha levrioù evit ar yaouankiz, kalzik. Petra'ri ? Emañ ar statitikoù deus hom zu, gant an niver ar skolidi o kreskiñ ingal.
Boued e ranker reiñ dezhe. Boued spered. 6 vloaz bennak zo (Bez vo Fanny war va c'hein prestik ma fazian re) oa bet lañset gant FEA ha Keit Vimp Bev (embanner) ur priz lennegel, Priz ar Vugale, a-benn broudañ tud, kozh ha yaouank, da skrivañ evit ar rummadoù-se. Levrioù studiet gant ar skolidi a-hed ar bloaz ha barnet gante 'fin ar bloavezh skol. Goude oa bet lakaet da skrivañ ivez evit Priz ar Yaouankiz (krennarded).
Se zo da va soñj unan deus an traoù gwellañ bet graet war dachenn ar c'hultur er bloavezhioù tremenet. Un dra vat ivez evit ar skriverien, dre 'maint sur da gaout lennerien da vihanañ. Rak n'eo ket diwar-se e vint lakaet da baeañ an ISF (impôt sur la fortune).
Ma. Deus lennegez evit ar re yaouank zo bet kaoz Disul. Un tabut dedennus, nemet koulz kement a skriverien eget a berzhidi. Anv zo bet deus lakaat ar skriverien d'ober atelieroù ba'r skolioù (ha, burzhud, soñjal goprañ 'ne evit se !), da skrivañ ivez evit ar radio hag ar c'hleweled, da dreiñ oberennoù estren e brezhoneg, espres-kaer evit krennarded ('mañ ket an holl embannerien a-du — kevezerezh, emezont —), deus ar yezh er skridoù, deus pouez an istorioù hag an tudennoù, betek ezhporzhiañ hon lennegezh…
Traoù a-bouez hag a vefe mallus tabutal warne a-benn kendrec'hiñ ar « roerien urzhioù ha yalc'hadoù ». Da c'hortoz, klikit war al liammig e-kichen da welet Uisant (ket, pas Visant) Crequer, oberour yaouank, diwar-benn e levrig « Brezel ar porzh-c'hoari » skrivet evit Priz ar Vugale 2010.
Vidéos
Newsletters
Flux RSS - français
ABP sur Facebook
ABP sur X
Chaîne Youtube ABP