S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Krouidigezh nevez la Obra, strollad a-vicher renet gant Celine Soun, a oa kinniget e-kerzh festival Douarnenez
Ul levr bras digoret war al leurenn. A-dreñv dezhañ, margodennoù ispisial : ur raden gant ur piz-toutou, an drez gant ur c'heotenn all, ar suner-gwad ("plantain" ma fell deoc'h). E korn al leurenn : louzeier a bep seurt.
Graet e vez al liamm etre pep taolenn gant an Aotrou Plakoù, ur mezeg a bare an dud gant louzeier, louzoù a bep seurt. Pennadoù fentus a zo e-leizh, met ivez pennadoù fromus, pa vez gwelet ar wezenn sakr varv abalamour d'an den fallakr a zo deuet da skarzhañ ur vrankenn dezhi.
Pa vez gwelet an Indianez, Belen Riquelme, o tañsal hag o kanañ he melkoni, melkoni ur bobl wallgaset abaoe pemp kant bloaz pa oa erruet soudarded bro Spagn er vro.
Ul labour a dalvoudegezh zo bet kaset da benn gant ar strollad nevez-mañ. Sonerezh kompozet gant Cristobal Troncoso, kinkladurioù ha bleunioù savet gant Josué Rajpop, ha pemp komedian teiryezhek. Sav-poent denel ha brav, ha politikel ivez (Monsanto, kudennoù endro bedel...) : peadra evit ur sal leun chouk e Douarnenez da c'hervel anezho teir gwech e fin an abadenn.
Vidéos