Evit an den a zo bet prezidant Diwan, Stumdi ha Dizale, eo sklaer an hent. Poent eo cheñch penn d'ar vazh.
"Evit ar poent e vez dispignet seizh milion hanter a euroioù e-barzh ar bolitikerezh evit ar brezhoneg gant ar Rannvro. Ni (listenn Ya Breizh) a gavje 10 milion ha 15 milion e fin ar prantad. E bro Euskadi zo 93 milion, da lavarout eo 12 gwech muioc'h evidomp. E Bro Korsika e vez lakaet 7 euro dre Gorsad evit ar bolitikerezh yezh, 21 euro e Katalunia, hag e Breizh 2,50 euro."
Ret eo mont buanoc'h hervezañ. Pa oa 8% a gresk e 2005 evit ar c'helenn divyezhek n'eus 'met 3% gant an teir hentenn e 2015. Ar pal a oa 20 000 bugel divyezhek e 2015 ha benn ar fin e oant 15 500 e 2015. "Paseal a rafemp eus 3% da 10%, evit en em gaout da 10% a geidenn. "
Ar pal a vefe en em gavout gant 30% eus a vugale, buheziñ ar rouedad, ha chom a sav gant ar c'holl bras etre ar c'hentañ derez hag ar skolaj, hag etre ar skolaj hag al lise. Ur greizenn arbennik war al liesyezhegezh a vefe krouet evel e broioù all, evit gounit kalz muioc'h eus ar pezh a vez graet ha brudañ an disoc'hoù a zo barzh ar skolioù.
Evitañ, goude daou vandat gant ar sosialisted eo erru poent da briziañ ar pezh a zo bet graet : "ur fazi bras a zo bet graet e penn kentañ ar mandat a oa lakaat da grediñ e vefe graet un tammad eus al labour gant Ofis ar brezhoneg, ha diskaret o deus kevredigezhioù. Deus an tu all, e-barzh ar c'hevredigezhioù-se e veze gwelet tud hag o doa liammoù gant an Emsaverien. Re vras ha re zistag ouzh an dachenn eo".
Ha da lavaret sklaer ha fraezh : "Ma ne vo ket troc'het gant ar Jakobined, ne vo ket un amzer nevez evit ar brezhoneg".
- Les maisons géorgiennes : 250 ans d'histoire dublinoise ! par Kerne Multimedia le 19/09/2023
- Jean-François Bernardini : ur stourmer evit ar yezhoù gwasket par Kerne Multimedia le 23/08/2023
- Etre ar vezh hag al lorc'h : Becassine par Kerne Multimedia le 20/08/2023
- Kollog Breizh keltiek : Rozenn e kreiz ar stourm par Kerne Multimedia le 05/08/2023
- Keav : 400 den e korf div sizhun ! par Kerne Multimedia le 29/07/2023
- Plas an niverel e korseg e Korsika : eilvet prezegenn GBB par Kerne Multimedia le 06/07/2023
- Prezegennoù GBB : teir eurvezh da brederiañ a-ziwar dazont ar brezhoneg er bed niverel par Kerne Multimedia le 02/07/2023
- Tremen an DNB e brezhoneg : perak ne c'hellfent ket re Ziwan ober evel re Seaska ? par Kerne Multimedia le 25/06/2023
- Manifestadeg e Kemperle : kenderc'hel a ra ar stourm par Kerne Multimedia le 03/05/2023
- Emgav fenoz da 7e dirak pep Prefeti Breizh ha Bro C'hall par Kerne Multimedia le 30/03/2023