Nijet kuit an Itron a ouie barzhonekaat, c'hoari c'hoariva, lakaat lennegezh dre gomz ha dre skrid war un ton uhel e brezhoneg
Naig Rozmor, plac'h Rosko a ouie mat buhez ar merc'hed war ar maez. Tamm ha tamm, kelennerez, stag ouzh he bro, he doa kroget da skrivañ e brezhoneg, karantez ar vro met karantez korf ivez. Ar pezh oa dreistordinal d'ar mare-se.
Gant Ar Vro Bagan, meur a bezh c'hoari oa bet savet ha c'hoariet ganti (Ar Mestr, Johniged an Hilda...), ha gant Remi Derrien e oa bet c'hoariet "Ar foll hag ar marv", skrivet gant Dario Fo. Aet kuit o-daou re abred, ha setu minored bremañ tud ar c'hoariva hag al lennegezh e brezhoneg.
Evit selaou ar startijenn divent a oa ganti e chom enrolladennoù Kristian ar Bras war radio an aodoù (da bodakastiñ war Radiobreizh.net), pe c'hoazh an testennoù brav meurbed, an hini diwezhañ savet e ti ar re gozh, pa oa Naig o c'houzañv gant kleñved Alzheimer.
Trugarez deoc'h, Naig, evit an oberenn hag ar skouer out evit an holl, hag evit ar merc'hed dreist-holl, evit diskouez dezho e oa posubl bout dieub, skrivañ, krouiñ, evel forzh piv war ar voulenn douar-mañ. Evel forzh peseurt eostig pe laouenan war barr ur wezenn.
Evit selaou an div abadenn radio aozet gant Kristian ar Bras :
- Staj emzifenn evit ar merc'hed, 10-11 a viz Du par Diverses associations le 22/10/2019
- Les tondues : 20 000 femmes silencieuses mises à l'honneur par Kerne Multimédia le 31/08/2017
- Elles ont tant de choses à dire : les femmes qui créent en Bretagne par Kerne Multimédia le 17/11/2016
- Muyeres : abadenn dreistordinal dec'h en Oriant par Fanny Chauffin le 08/08/2016
- La place des femmes dans la culture : peut mieux faire ... par FC le 21/02/2016
- Miriam Katin, ou les mères courage d'hier et d'aujourd'hui par FC le 11/02/2016
- Fest noz ar merc'hed ba Sant Riwall par FC le 11/02/2016
- Strollad Lleuwen Steffan : merc'hed an tan par FC le 15/08/2015
- Ur mor a dud e Tregon evit kentañ festival Klitorik par FC le 05/04/2015
- Les scandaleuses du MLF par FC le 15/03/2015