Sinadeg bouezus evit gwareziñ hon endro

A-enep reizhadenn Le Fur

D'an 18 a viz Even : rezistañs

Ur wech ouzhpenn, d'ar 16 a viz Even, dilennidi Breujoù Pariz a zo aet da heul gant o votoù arguzennoù toull aozadurioù micherioù ar moc'h. Da heul goulenn kannaded zo eus Breizh, en o fenn Marc Le Fur, kannad UMP ; ur reizhadenn a zo bet degemeret gant ar Breujoù. Hag hiviziken, e savo, an niver a blasoù evit an atelieroù moc'h eus 450 plas da 2000 plas hag evit ar yer eus 30.000 da 40.000 plas. Gant-se, ar Stad n'he do ket moaien ken da gontroliñ ar produiñ lizie ha ne vo tamm harz ebet ken d'ar saotrañ an douar hag an dour. Ha kement-se d'ar c'houlz rik ma vez ar bezhin glas oc'h aloubiñ hon traezhennoù hag ar bezhin ruz (cyanobactéries) o paotañ en hor stêrioù. Degemer al lezenn-se - hini “Al lizie stank“ - a vije trubardiñ an engouestloù bet kemeret gant ar gouarnamant evit stourm ouzh ar saotradurioù hag, ivez, un dec'hadeg dirak galloudoù divezh ha divent ar saotrerien.

Gervel a reomp, eta, an holl sitoianezed hag an holl sitoianed da stourm a-gevret gant an holl gevredigezhioù o deus sinet dija ar skrid-goulenn ha da gentañ penn en ur sinañ, d'o zro, ar sinaneg a c'houl ma vo kaset ar reizhadenn-se d'ar blotoù. Muioc'h evit biskoazh hon eus ezhomm eus souten an holl dud, paotred ha maouezed, evit gellout komz en o anv gant ar gannaded ha lâr dezhe : Breizh n'eo ket ur c'hraoù-moc'h da vezañ. Hag e vanka deomp kaout boued a galite ha n'eo ket boued a-vil vern, hag evit-se e vo dav krennañ war an niver a voc'h zo er Vro (600 dre km2 en Aodoù-an-Arvor evit 50 anezhe dre km2 e Bro-C'Hall) hag, ivez, pas lezel an niver a loened da greskiñ en un doare kuzh, e-giz ma vije aotreet gant al lezenn-se.

Aozomp ar rezistañs evit ma ne vo ket ken c'hwezh al lisie gant dour hor stêrioù ha c'hwezh ar bezhin glas o vreinañ war hon treizhennoù.

Ma ne vez ket nullet ar reizhadenn-se e c'houlennimp gant Europa kastizañ Bro-C'Hall ; rak an doareoù-se n'int ket re ur Stad a-wir ; met doareoù par da re un vandennad hailhoned oc'h ober fae war an endro.

Sauvegarde du Trégor, Eau et Rivières de Bretagne, Halte aux Marées Vertes, AE2D, Bretagne Vivante SEPNB, De la Source à la Mer, Côtes d'Armor Nature Environnement, Sauvegarde du Penthièvre, Nature et Patrimoine Centre Bretagne,Sous le Vent les Pieds sur Terre, Ellé Vivante, Cyberacteurs

Sinadeg en linenn amañ : (voir le site)

• Pour le maintien de l'antenne INAO de Vertou (44), un relais pour toute la Bretagne ! par BRETAGNE RÉUNIE le 20/07/2013
• CFIA 2013 : Bobet Matériel présente le 1er sonomètre éducatif pour les industries agro-alimentaires par Pressentiel le 18/12/2012
• il faut avoir une réfléxion stratégique sur le modèle agro-alimentaire breton par Parti Breton - Strollad Breizh le 09/06/2012
• 121e Concours général agricole, les entreprises bretonnes ont reçu leurs diplômes par Chambre Régionale d\'Agriculture de Bretagne le 07/06/2012
• Agriculture et agro-alimentaire : les Régions du Grand Ouest parlent d'une même voix par Region Bretagne le 02/09/2010
• Le Conseil régional renouvelle son soutien aux salariés de Néolait par Region Bretagne le 21/08/2010
• La Mutation agro-alimentaire bretonne : Rencontre avec Alain Glon par Solange Collery Communication le 11/02/2008